بعض الأحزان لا يستطيع المرءإخفائها ’
قد تتوهج في العيون و يشعر بها الآخرون 00
الأحزان يجبر عليها الإنسان
حتى تصبح ملازمة له في كل الأوقات والأزمان00
كثير من البشر يسأل عن أسباب الحـزن فينـي
وكثير من البشر وده يعرف بدنيتي وش صـار
وعلام اللي يقابلني يشـوف الدمـع فـي عينـي
وأنا توي صغير السن حزين وشـارد ومنهـار
أنا بحكي بقول الحين عن اللي صار في سنينـي
ولكن قبل لا اتكلـم ابيكـم تحكمـو يـا اخيـار
تعالو واشهـدو يانـاس تعالـو طالعـو فينـي
تعالو شاهدوا جسمي غدى ناحل وعقلـي طـار
أنا ماني تـرى مدمـن ولا ضاعـت ملايينـي
وربي يابشـر حالـي سبايـب وقتـي الغـدار
تعالو واسمعوا مني وش اسبـاب الحـزن فينـي
وشنهي سبة دموعي وش اللـي بدنيتـي اسـرار
يتيـمٍ ايـه أنـا عايـش يتيـم محـدٍ يراعينـي
ولحدٍ عني جـاء يسـأل وحيـدٍ جالـسٍ بالـدار
يتيـمٍ مافـي بالعالـم رحـومٍ جـاء يواسينـي
يتيمٍ عايش بحسـره وضيقـه عيشتـي امـرار
يتيمٍ فـي نهـار العيـد محـد جانـي ينادينـي
يقول لي خذ حلاو العيد زمانٍ كنا فيـه صغـار
يتيمٍ صـاح ياموتـي رجيتـك رجـوه تجينـي
يومٍ استاذي قال بكره يجـون ابائكـم ياصغـار
شهادتكـم تـرى بكـره وابوكـم لازم يجينـي
بسلمها انا بيـده وشهـادة شكـر مـع ازهـار
وجاء بكره وجيت امشي ولحـدٍ ماسـك ايدينـي
ومن أي طالب دخل ماسك بدين ابوه صرت اغار
وكنـت الاول ولكـن دموعـي كانـت بعينـي
نزل دمعي وسط حفلٍ كبير وحاضرينـه كثـار
مقصر زادها الاستاذ ما بارك صـار يعزينـي
شهاده كانت بيـدي احسهـا جمـرة مـن نـار
ترى هذا سبب واحد من اسبـاب الحـزن فينـي
يكفـي يابشـر ولا اكمـل وافشـي الاســرار
أبحكي عن سبب ثاني سبـب زاد الحـزن فينـي
حبيـبٍ مـت فـي حبـه ولكنّـه طلـع غـدار
أنا رغم اليتـم حبيـت عشقـت بكـل مافينـي
عشقت وكنت له وافي واذا اخطأ اجيـب اعـذار
أنا حبيت لي شخـصٍ عشقتـه عشقـي لعينـي
وهو حبني واقسم لي بـرب المصحـف الجبـار
أنـا صدقـت حلفانـه وهقيـت انـه بيغلينـي
ومثل ماني احبه مـوت توقعتـه يجينـي بـار
ولكـن خيّـب ضنونـي توقعـتـه بيحميـنـي
توقعته حبيبي يكـون ولكـن صاربـي غـدار
اثـاري كـان يتسلـى ووقتـه يضيعـه فينـي
وانا اللي أحّسبه يحبني واحسبه حاط لـي مقـدار
قطع في طعنته اخر عـروق الفرحـه بسنينـي
وزاد الحزن في قلبـي وخلانـي اعيـش بنـار
خدعنـي ونيتـه ينهـي حياتـي وده ينهيـنـي
وعجزت اخذ بثاري منه حبيبي كيف اباخذ ثـار
ومع غـدره وطعناتـه غرامـه ساكـنٍ فينـي
ولا ظني انا بنساه لـو اتعالـج بوسـط شهـار
عرفتو يابشر هالحين ليـه الدمـع فـي عينـي
عذرتوني على جسمي عذرتو عقلي اللـي طـار
وامانـه يابشـر تكفـون اذا منكـم يلاقيـنـي
لايسألني وش الباقي من اللـي بدنيتـي اسـرار
لاني لو نـا بحكـي جميـع اللـي انـا فينـي
ياناس عقولكم والله بتلحـق عقلـي اللـي طـار
لعيونكم منقوله
الخميس يوليو 21, 2011 10:01 am من طرف لسعة شقاوه
